भावसार क्षत्रिय समाजाचे हिंगलाज माता मंदिरात भव्य दीपोत्सव सोहळा उत्साहात संपन्न डोळ्यांची पारणे फेडणारा अद्भुत अलौकिक दीपोत्सव
मालेगाव (दि. २७ ऑक्टो) - दि.२६/१०/२०२२ (बुधवार) रोजी बलिप्रतिपदा-दिवाळी पाडवा सणाच्या निमित्ताने भावसार क्षत्रिय समाजाचे हिंगलाज माता मंदिर भावसार गल्ली, मढी येथे भव्य दीपोत्सव सोहळा उत्साहात संपन्न झाला. या दीपोत्सव सोहळ्यासाठी भावसार समाज बांधव व माता भगिनी मोठ्या संख्येने उपस्थित होते. सर्वांनी अत्यंत उत्साहाने आई भगवती चरणी आपली सेवा प्रदान केली. माता भगिनींनी अत्यंत सुबक फुलांच्या रांगोळ्या काढल्या होत्या. तसेच मंदिरात सुंदर पद्धतीने दिव्यांची रचना करून दिवे प्रज्वलित केले. दिव्यांच्या रोषणाईने, मंत्रोच्चाराच्या गजराने, व महाआरतीच्या नादाने संपूर्ण मंदिर परिसर भक्तीमय वातावरणात दुमदुमून गेला होता. या दीपोत्सव सोहळ्यासाठी सर्व भावसार समाज बंधू भगिनींचे अनमोल सहकार्य लाभले त्याबद्दल त्यांचे आभार व्यक्त करून महाप्रसादाचे वाटप करण्यात आले. भावसार क्षत्रिय समाजाचे व हिंगलाज माता मंदिराचे मुख्य पुरोहित श्री अतुल हरिभाऊ हिंगे व श्री गिरीश अतुल हिंगे यांच्या संकल्पनेतून साजरा झालेल्या या या दीपोत्सवासाठी कार्यालयीन प्रमुख श्री शेखरभाऊ भावसार व मंदिराचे सेवेकरी श्री सुनीलभाऊ भावसार यांनी विशेष मेहनत घेऊन कार्यक्रमाचे नियोजन केले होते. या सुंदर उपक्रमाबद्दल उपस्थित मंडळींकडून अत्यंत उत्स्फूर्त व आशादायक प्रतिक्रिया देण्यात आल्या. 
GRP न्यूज महाराष्ट्र व सर्व टीमकडून सर्व प्रेक्षकांना दीपावलीच्या हार्दिक शुभेच्छा