सुरगाणा महाविद्यालयात विधानसभा उपाध्यक्ष नरहरी झिरवाळ आणि आमदार नितीन पवार यांची सदिच्छा भेट.
सुरगाणा (दि.०१ ऑक्टो २०२१) : महात्मा गांधी विद्यामंदिर संचलित कला, विज्ञान व वाणिज्य महाविद्यालय सुरगाणा येथे आज दिनांक 01 -10 -2021 रोजी महाराष्ट्र राज्य विधानसभा उपाध्यक्ष नामदार नरहरी झिरवाळ आणि आमदार नितीन पवार तसेच उपजिल्हाधिकारी प्रकाश थविल यांनी महाविद्यालयास सदिच्छा भेट दिली. यावेळी महाविद्यालयाचे प्राचार्य डॉ. सी.जी. दिघावकर यांनी त्यांचे स्वागत केले. यावेळी मान्यवरांनी महाविद्यालयातील प्रवेश प्रक्रिया या संदर्भात माहिती जाणून घेतली आणि महाविद्यालयाने राबवलेल्या ऑनलाईन प्रवेश प्रक्रिया बद्दल त्यांनी कौतुक केले. तसेच कोरोना काळात महाविद्यालयाने केलेल्या उल्लेखनीय कामकाजाचे कौतुक केले. महाविद्यालयाने आदिवासी भागात केलेल्या उल्लेखनीय कार्याचा गौरव देखील त्यांनी केला.
